金熙海山酒樓

营业中

休息中

40年历史嘅食店，2017年经有心人努力经营下复活， 承传大件夹抵食嘅传统。坐喺地下大厅可以清晰听到厨房嘅炒𩠌声，实而不华；另外如自携海鲜，加工费亦非常合理。今晚四个人叫咗四碟𩠌:沙姜鸡用嘅鸡肥瘦适中，鸡腌制时间足，鸡皮、鸡肉甚至鸡骨都有浓浓嘅沙姜味。咸鱼煎肉饼咸鱼唔会死咸，鲜味将猪肉带到另一个境界凉瓜炆䲝鱼我唔系凉瓜嘅fan, 不过都煮得唔会太软，保持应有嘅口感。支竹炆羊腩相信份量差唔多系一般舖头嘅两倍，羊肉肥瘦均匀，只系收$188仲要送埋生菜，真系惊餐厅赚唔赚到。