金熙海山酒樓

营业中

休息中

今日去沙頭角hea 遊，行到2點幾，開始搵食。上網介紹海山酒家，但按 google map 係行去中英街檢查站。。。奇怪。。。。我入5到中英街喎，咁d人點入去呢？於是我地試搵另一條路，失敗咗。。。。正想放棄去搭巴士回家，家人說盡人事搵多一次。。。原來係中英街檢查站旁邊有一條用鐵馬間出來既小路，警察說可以通過的，是去海山酒家和文具店。坐低已是3pm，剛好有旅行團離開，而酒家廚房師傅未落場，伙記姐姐也叫我們快下單啦～我們馬上叫咗3款菜式：1. 煎墨魚餅 ($138)：真係有墨魚碎和好香墨魚味，有口感，鬆鬆哋，唔係硬實，好好味～不愧為伙記姐姐既推介。後來我地跟老闆吹水，原來佢地用新鮮墨魚來整，下次我都會再叫2. 客家豆腐煲($80)：內有芹菜、草菇粒、紅蘿蔔片、薑c、3片肥豬肉，所以湯底好香濃。至於主角豆腐釀肉碎，豆腐滑，肉碎略嫌薄了點和味道淡咗d3. 蔥油雞($150/半隻)：隻雞幾大隻，上枱時我仲疑惑係咪俾咗一隻，嚇c我！雞算滑，皮好薄又爽脆，感覺5太肥膩。配上2碟蔥油，真係好正！而係雞件下面則鋪了咸菜，不過店家醃製過，無咗咸味，但又無甜味，如果可以甜中帶點少辣就完美3人3餸真係好飽，連

呢間最出名就係「客家豬肉缽」同埋「煎墨魚餅」～我哋揀咗豬肉缽 ($120), 另外叫咗個涼瓜斑腩煲($8x), 再加兩碗白飯。豬肉缽原來係豆豉同姜蒸肥豬肉，啲肥豬肉煮得好lum，好香，但呢道傳統菜式對於我哋黎講有啲太鹹，下次唔會再叫了。至於涼瓜斑腩我幾鍾意！建議點埋水哥奶茶，我哋飲咗紅棗味，真係特別香滑，讚！最最最讚嘅係，呢度二樓可以睇到未開放嘅中英街禁區！！！一定要去

復活節假期，跟朋友參加本地一天團，勇闖中英街~隔離的沙頭角禁區。旅行社安排盤菜宴午餐，12人一枱。旅行社網頁餐單這樣寫:乳香金錢鮮豉油皇大蝦黃金靚魚蛋鄉下走地雞沙頭角燒鴨秘製炆腩肉上湯浸枝竹乳香燴浮皮蠔皇炆冬菇沙嗲厚吊片碧綠西蘭花上湯浸蘿蔔南乳芋頭件 午時鐘響，餓鬼相聚。大大個盤菜，在枱上直接加熱。  望著銀色小山丘，隔著錫紙也感到很足料。待滾起，即起筷。表面堆叠著雞鴨菇菜魚蛋豬腩豬皮，復活節竟然有驚喜，有鴨掌呀！另外，這個是鮑片還是螺片呢？金黃色，唔韌容易咬。找到支竹，蘿蔔和芋頭依然墊底，還有西芹木耳。乳香金錢鱔就一早被夾走曬囉!  所以無食到囉!!雞肉有彈性，肉質唔霉，雞皮有彈性，唔係雪藏貨。也許這是真~走地雞!   粉芯芋頭軟綿綿，一咬即化。芋頭外圍沾滿盤菜鹹香的南乳湯底。把大部分食材消滅後，再放入生菜煮呀煮，扮健康。在懷舊的飯店裡，邊食邊吹水。食飽飽後，有充足的自由時間，可到處逛逛。

我個人第一次去海山酒樓。點咗碟豆腐班腩飯。碟豆腐班腩飯D豆腐好美味。班腩好大塊。好美味，魚肉好鮮嫩。酒樓分兩層。樓上可以觀看中英街內的大型建築物。<請點擊下圖觀看視頻>

沙頭角開放了，立即相約友人前往逛一下。好寧靜啊！人不多，從海邊繞一圈，行下走下，景點差不多逛完，係時候午餐。沙頭角最出名莫過於呢一個間，服務不錯，份量多，最重要水準ok喎。咸香雞半隻己足夠4-6人，非常入味，肉質鮮嫩有口感。蒜茸炒豆苗鑊氣足，豆苗脆口又綠油油。八珍豆腐配料多過豆腐…. 哈哈！豆腐滑溜。另有蝦，冬菇，魷魚….. 蔬菜。抵食。鹹蛋蒸肉餅肉餅蒸得鬆軟，好味，不過鹹蛋超鹹。

今日因為工作關係入到黎沙頭角禁區晏晝唔知食咩好發現沙頭角既餐廳 基本上都係茶餐廳然後就揀間邊境既黎試下入到去感覺好正同大陸一門之隔餐廳好有懷舊味道 停留係8 90年代日頭只有依4個餐由個伯伯寫 啲字好靚茶任裝餐廳有2層我食左乾炒牛烏冬啲麵都幾碎下45蚊包野飲都算係咁

四人一共點了四個菜式：粉絲大蝦煲、避風塘茄子、白切雞半隻、小炒王，好食到都唔記得影相。 白切雞是走地雞，大大隻，鮮嫩，只能用最老土的說法：真係雞有雞味😋。避風塘茄子好香口，脆卜卜，仲有啲韭菜花同豆豉粒粒，更增添惹味。粉絲大蝦煲一共有五隻大蝦，隻隻好巨型，爽+彈牙，但粉絲先係最正，汁醬充滿蝦油香味。最鍾意係小炒王，太遺憾冇影相，韭菜花、腰果、菜莆、爆脆蝦乾、大粒蝦球、大粒魷魚炒埋一碟，除略嫌偏油之外，係我哋一致認為是食過以來最好吃的小炒王👍🏻👍🏻👍🏻，下酒一流！好食到停唔到口，再加埋五支大啤，埋單五百幾蚊,超值超值！可惜都不知道何時可以再入嚟食了。

傳統煲仔飯有好多唔同嘅款式，拍得住其他煲仔飯專門店，大路臘味臘腸臘鴨田雞肉飯固然有，更有白鱔等等，好彩的話有黃鱔，可惜當日冇貨; 火候唔錯，有飯焦可以食。當日食咗白鱔滑雞煲仔飯，白鱔配以風味豉汁，雞肉鮮嫰，兩個人一個大煲飽到不得了。

40年歷史嘅食店，2017年經有心人努力經營下復活， 承傳大件夾抵食嘅傳統。坐喺地下大廳可以清晰聽到廚房嘅炒餸聲，實而不華；另外如自携海鮮，加工費亦非常合理。今晚四個人叫咗四碟餸:沙薑雞用嘅雞肥瘦適中，雞醃製時間足，雞皮、雞肉甚至雞骨都有濃濃嘅沙薑味。鹹魚煎肉餅鹹魚唔會死鹹，鮮味將豬肉帶到另一個境界涼瓜炆䱽魚我唔係涼瓜嘅fan, 不過都煮得唔會太軟，保持應有嘅口感。支竹炆羊腩相信份量差唔多係一般舖頭嘅兩倍，羊肉肥瘦均勻，只係收$188仲要送埋生菜，真係驚餐廳賺唔賺到。