新泰東南亞餐廳 (已結業)

收工谂住同个朋友去食啲嘢，佢就推介左一间新派泰国餐厅，话同啲同事食过都算抵食夹大件㖞！ 我哋嗌左香芒牛油果软壳蟹卷($88)，蒜蓉包($30)，马拉盏通菜($72)同padthai($98)。软壳蟹卷真系好好食，芒果好清新，点埋啲泰式甜辣酱，好开胃，软壳蟹啱啱炸出来，唔会过油，芒果亦都好甜好夹。蒜蓉包嘅蒜蓉唔会太过油腻但系都好香牛油味，一上菜嘅时候已经令人食指大动啦！通菜份量都唔输蚀，两个女仔一定够食，好钟意食泰国菜个种辣，辣得黎唔会想停，会令人想再继续食落去。最后嘅Padthai都很出色，一上菜见到有个黄色好似菠萝包咁样嘅嘢，原来系师傅将蛋摆咗上去，好有心机，花生亦都炒得好香，金边粉唔会过油，亦都有蛋丝同芽菜，仲有四只鲜虾，份量其实两个女仔真系会食得晒㗎！下次一定会再同大班朋友黎，就可以试其他野啦！