農場

营业中

休息中

今天赶去西环开会到5点多，自己忙到连晏都未食，一开完会就即刻系附近揾嘢食，眼见附近餐厅已转做晚市餐牌，自己又唔想食太多，所以一见到呢间舖未转餐牌，就即刻入去点餐！结果令我喜出望外，所以又要同大家分享一下！香港直得推介既小店不多，但这间小店真的值得我再一次执笔推介比大家呢！小店内大约有10张枱，地方不算大，但胜在够整齐。下午茶餐牌唔记得影，价钱大约28-40之间。我因为太饿所以未影相已开始进食！我点了猪扒蛋出前一丁，猪扒碎上，但件数绝不少呢！猪扒口感煎得非常香口，内里软滑，至于鸡蛋在我没有要求下，佢哋竟就做了太阳蛋，出前一丁汤底肯定分开煮，面还面煮、汤有汤煲，因为汤底并无混浊呢！可见佢地对一碗面既执著，绝不马虎，因为在食面既同时，感受到佢地用心煮既每一样食物，令我有啲庆幸今天到这小店食到呢碗面呢！最后，唔记得讲就是关于杯冻柠檬茶，就一般啦！颜色系无问题，但茶味就无咩啦！可能我自己比较高要求啦！但回想都是几十蚊既下午茶餐，咁抵食、咁用心去煮，仲想要求咩呢！😊