船長意法日餐廳 (已結業)

琴晚放左工，翻到元朗同老婆去千色买野。买完揾地方食饭，就见到眼前出现左一间船长餐厅。咁就入去试吓啦。入到去烟雾弥漫，原来佢系一间打边炉放题嘅餐厅嚟嘅。不过今晚就唔系打边炉嘅心情，所以就叫左佢哋嘅小菜晚市套餐食。佢个晚市套餐都几抵食，二人餐，两个𩠌，有饭有嘢饮。咁我哋就叫咗条豉汁蒸仓鱼，同生炒骨试吓啦。等左冇几耐啲嘢食就上枱啦。条鱼啖啖肉，配埋豉汁食真系几唔错嘅。至于生炒骨，其实有啲似咕噜肉，色水都唔错，味道都几好。两个𩠌加埋碗饭，食完就啱啱好。下次如果有机会再嚟，都想试吓去过打边炉放题。因为见到佢哋个食物枱，好似好多款式，价钱都几合理，好似几过瘾咁。