青藏牛肉麵 (已結業)

见到青藏两字谂起孜然粉嘅味道，就黎左试试。装潢简简单单，温馨小店。面类分捞面，汤面同凉面。今次三人叫左两个面同几款串烧食，每人平均$75，好抵食。 师傅蒜香捞面 - 牛 $42牛肉都有六七块，面都唔少，面嘅质地中规中矩，以女仔黎讲一碗面都够，但男仔可能就差少少先够饱。蒜味好浓，个味道几似平时街边食嘅冷面，味道较为咸，但配埋佢个汤就变到岩岩好，个汤肉味好出。羊肉凉面 $45呢个味道就比较清啲，微微酸醋味道，开胃清新，夏天食一流。配料有青瓜丝，萝卜丝，半个蕃茄同五六块羊肉，羊肉骚味好重好重，羊肉配蒜香味食会较为好。凉拌青瓜 $36味道唔错，好似谭仔口水鸡嘅味道，辣辣地，青瓜又爽口。(孜然)串烧拼盘 $68有五串串烧，有翠玉瓜，墨鱼丸，芝士肠，鸡肉同羊肉。配上孜然粉，又香又好味。青藏烤肉串 $18见到打星星就叫黎试下，都系充满孜然粉，正，肉质比较有口感，愈咬愈香口，问店员先知原来系鸭胸肉黎。汁烧秋葵 $28食左咁多串烧，点都食返少少菜黎食，因为有汁关系唔会干争争，豉油酱汁配起简单好味。