新廣發 (已結業)

睇到呢度嘅食评，一早就想嚟试下，咁啱果日又转冷，就同两个friend嚟试咗。好多人话大排档搞buffet会唔会好污糟同埋啲嘢食唔新鲜，我可以答你：第二度可能会，呢度就一定唔会。点解呢？因为呢度真系好多人食嘢，我7:30去到，我望一望都有成二百几三百人食紧嘢，啲食物流量大，经常都有refill，所以唔洗担心啲食物唔新鲜。我地一行3人，7:30去到，因为冇枱，又同时有几班人到，所以果啲职员就响啲边皮位(其实系屋邨果啲公共范围)开枱比我地。坐边皮位唯一嘅唔好处就系冇乜光，不过都算ok啦。我地叫咗鸳鸯汤底，味道都ok。食物方面我唔多讲，火㶽一般都系差不多，但系就唔好谂住$68会有贵价嘢食，有虾有蟹算系咁。饮品就只有可乐芬逹同埋忌廉，啲忌廉去得好快，好快就冇晒。我闲日去都咁爆棚，如果假日去我建议6点半要去到，如果唔系有排等。