妹記生滾粥品

营业中

休息中

心血来潮想食粥，误打误撞黎到”妹记”。唔知点解，一见到煮粥既伯伯，同铺头既门面，已经同自己讲，呢度既粥应该可以食番儿时既味道。果然，无令我失望。食粥配油炸鬼是常识吧。呢度既油炸鬼系碎上，脆得黎又唔多油，不过价钱就比一般粥档贵。肠粉价钱都系偏高，口感只属一般，唔够滑，唔值$14，深水埗合兴肠粉滑得多。叫咗两碗粥，一碗及第粥，一碗猪腰膶粥。其实味道同卖相两碗都差不多。食第一啖就FEEL到系旧式粥店既味道，食得出唔系用米浆开既粥，会见到有米粒，粥面有D生菜丝。猪腰膶𠮶碗既材料及第都有晒，而及第仲有猪粉肠同猪肉丸。值得一赞系猪膶，够爽口，无”押”味，无渣。相比下猪肉丸味道一般，无乜特别。眼见同枱都好多人叫鱼腩/鱼片/鱼皮，下次一定要试下。