紅伶飯店

营业中

休息中

位于佐敦不起眼嘅后街，装修维持旧有风味，餐厅客人满座。秋冬有推出限定羊腩煲，平时食唔到，啱晒呢个冻冰冰嘅天气，两个人叫左一个细煲盛惠 $398。睇落惊唔够食，叫多个卤水什锦，一碟有齐不同鹅嘅不同内脏，适合贪心嘅我，卤味入味唔会太咸。鹅肠偏多而且唔肥，食几多都唔怕，除左有大量鹅肠，仲有鹅肝，鹅肾，红肠...主角羊腩煲，原来份量劲大，两个人食都好够。每旧羊腩都跟烟烟韧韧嘅皮，充足骨胶原！配料中马蹄，支竹有齐，羊腩煲嘅材料缺一不可。最值得赞系腐乳酱，咸甜适中带少少酒香，蘸羊肉一流。羊腩无肥膏，肉质依然炆得入味软熟，食到一丝丝羊肉，值回票价！