泰豪燒 (已結業)

今日我同个friend两个人嚟到元朗揾食顺便庆祝生日。系openrice 睇到好多大赞，所以凭信心一试，原来呢间舖已经好耐，只系之前转过名。员工们都好健谈，好似左邻右舍既街坊咁。本身职员建议我哋食套餐，但因为实在太热唔太想食粥，所以放弃了。不过如果冬天黎，一定好滋味，我见隔离枱既粥又大锅又多料的。最后我哋叫咗个炒蚬粉丝，但冇晒蚬，不过职员提议转花甲，结果仲好味呀！我哋将啲花甲拆晒肉先，职员仲赞我哋醒🤣🤣😂之后就叫左好多款不同既串烧，其实舖面细细，但种类真系好多元化。最推荐既系鸡全翼外脆内滑🤤仲有鳗鱼烧烧得刚刚好，完全唔系寿司舖果种，而系新鲜白鳝，肉质无烧过头，仲保持到肉汁丰富到，好似食紧新鲜烧鱼。仲叫左烧翠玉瓜，鸭胸肉，司华力肠，比较基本既款式。但不得不提牛舌，又大块又爽口，仲唔会有阵so味。同埋茄子都系超超超好味的，茄子迷不可错过啊。啤酒仲买一送一优惠，同朋友叫两三round 把酒言欢既好介绍。