酒樂亭 (已結業)

是日同朋友黎天后食野，其实一心系想去旁边的弥月屋，但甜品前总要食个晚饭，朋友又钟意日本菜，所以就同朋友黎到旁边呢间酒乐亭啦。我地黎既时间实在太早，所以都无咩客人，入到去只有两个客人，平日唔订台睇黎都无咩大问题~ 环境比较阴暗，但唔算好迫夹，而且无咩人又唔会太嘈，都可以的。我一向钟意食鸡泡鱼干，见呢度有又叫黎食下，不过呢度既整得唔系太好食。首先佢切得太幼... 夹都唔系好夹到，另外亦都太干身，真系少少水份都无咁，而且味道亦偏淡，总括我觉得唔好食。><另外叫左杂锦鱼生太卷，其实真系一般太卷既外貌，但内里材料变左系三文鱼等鱼生，嗯... 我都唔系好识形容，唔难食，但亦唔算太特别既感觉，不过D鱼生感觉都新鲜，OK的。朋友想食烟肉蚝卷所以叫左，烟肉烧得几脆和香口，蚝亦带有少少鲜味，不过食落真系觉得好多油呀。整晚最好食就觉得系香葱吞拿鱼腩饭，吞拿鱼腩份量几多而且亦够香，加上点点香葱食落更有鲜味，再配几件香甜既玉子系唔错的~ 食完呢个就饱哂啦。是晚饮饮食食同朋友倾计过左一个唔错既夜晚，之后就出发去隔离既弥月屋啦。不过个人觉得呢度食物一般，未必有下次啦。