影片
更多
2014-01-01
1352 浏览
今日系我第一次写食评，真系不吐不快！唔讲唔得！话说我系弥敦道见到有雷门既单张，睇下又唔系贵，价钱中等，食物款式又好似几ok，咁就同老公一试，上到去唔洗等就有位，一开始楼面俾左个卡位我地坐，但卡位太窄了，所以要求转坐其他枱，开始叫野食，上菜唔算等得太耐，叫左好多食物，刺身先到，哇！第一次见识到何为薄切三文鱼，真系好似张纸咁薄！而且数量又唔齐！老公叫左20块，但只系黎左10块，咁我地就叫多几次，但次次都唔齐，终于忍唔住叫楼面黎齐d，当然最后系唔足啦，我就问楼面点解会唔足数量，佢就揾左个经理黎，经理就答：“因为佢地系根据人数而俾数量，唔系客人叫几多就俾几多！“我听完呢个答案真系觉得好好笑，呢间叫放题，放题唔系任叫任食嫁咩？我食过咁多间放题，真系从来冇听过呢d话啰！咁辜寒好心就咪鬼做放题啦！讲完三文鱼，讲下最简单既芝士西兰花，4个字讲晒：“难食到呕“！我放入囗，吐都吐唔切！芝士就一小笃，西兰花淋pet pet！完全谈不上系一个厨房师傅整既食物！冇水准！再黎就系“盐烧鸡皮“，正所谓“盐烧“就系烧得好干身，较为脆囗，但系呢个“盐烧鸡皮“就油立立，又淋，囗感好似未熟咁，10成9系炸既！仲有一个烧鸡翼
讲完三文鱼，讲下最简单既芝士西兰花，4个字讲晒：“难食到呕“！我放入囗，吐都吐唔切！芝士就一小笃，西兰花淋pet pet！完全谈不上系一个厨房师傅整既食物！冇水准！
再黎就系“盐烧鸡皮“，正所谓“盐烧“就系烧得好干身，较为脆囗，但系呢个“盐烧鸡皮“就油立立，又淋，囗感好似未熟咁，10成9系炸既！仲有一个烧鸡翼，但黎到变左炸鸡翼！仲有好多好多既问题，真系讲唔晒！
另外，楼面成日都唔执枱，净系放低食物，见到有吉碟都唔执，野食乱咁放！
总括黎讲，只此一次，下不为例！
**题外话：坐我地隔离有几枱貌似老细既亲戚客人，嘈到拆天！唔讲以为去左街市食饭啰！
不过值得一赞，地方都算干净，佢杯“乳酸多多“都几好饮
张贴
