Beans the Rambler

营业中

休息中

世界变化之快实在令人始料不及，或者系自己太天真，无谂过失去苹果依一个会嚟得咁突然。幸运的喺阿布泰遇到报纸返货，喺最后一个出版日买咗份边食边睇。自从Beans开咗之后成为我同家人食晏首选，喜欢其柔和木系装潢，采光度十足，令人感觉精神奕奕，不过中午时段多数要等位，要预留少少时间排队。黑松露薯条 +$25薯条新鲜炸起、金黄香脆，落够盐，唔点个黑松露沙律酱都好味。肉酱温泉蛋长通粉 $62长通粉份量多、煮得弹牙，汁酱蕃茄味道香浓微酸，放得慷慨，可惜我唔系酱汁爱好者，食到最后剩返碗浓汤咁，好似有少少浪费。烟熏鸡胸红藜麦意大利饭 $78面头烟熏鸡胸煎得金黄，加埋少少香草装饰，望落吸引。意大利饭煮得creamy有奶香，加入红藜麦自我感觉健康之余亦更有咬口，另外饭入混入咗鸡肉、洋葱同菇，好丰富好味。Cheese +$25饼柜里面摆放咗几款蛋糕，今次试下芝士𠮶款，外型够晒可爱。蛋糕有芝士同柠檬皮嘅清香，唔会过甜，连平日唔多食蛋糕嘅爸爸都分咗一半，不过我都系觉得拿破仑惊艳啲。黑暗的日子终会过去，在此之前请务必好好照顾自己。