茶墨 (已結業)

男朋友陪我shopping，虽然我仲未血拼完，但见佢行到无晒力，估佢都要坐低抖下。见呢间茶饮有几张二人枱可坐低饮下嘢，岩晒！设有开放式的泡茶区和意大利雪糕区，仲有个小小饼柜，装潢简约，感觉舒适休闲。八类饮品有水墨风、雪糕奶昔、经典奶茶、乳香茗茶、焦糖芝士、冰摇茶、精选纯茶和养生茶，我哋要杯热花蜜人参乌龙（$38），暖笠笠。茶面有几条幼幼地的参，真材实料，含在口中好甘香。茶色泽浓，茶味参味都有，仲有花蜜的甜美，甜度刚刚好，滋润顺喉。买饮品就可用优惠价追加甜品或雪糕，抵！我哋要杯双球意式雪糕($50/追加价），拣了开心果味和杂莓乳酪味。两款都好香滑，我就较喜欢开心果味，味道好香浓，啖啖都食到果仁香，如果混入一啲开心果碎粒就更吸引；男朋友就钟意杂莓乳酪味，酸酸甜甜的乳酪再加酸咪咪杂莓粒，双重酸，食落好fresh，好醒神。