華苑酒家 (已結業)

人人在家工作，我就继续照常返工。平时都有系华苑斩料，叉烧都觉得唔错，见同事们近排成日系元朗鸡地买烧味饭盒，一于就推介佢地去试试华苑既叉烧饭。一去到门口，好多海报都睇唔到咩价钱。一于少理直接揾收银阿姐落单。阿姐忙于写纸仔唔得闲理我，十问九唔应，到佢肯落单时，又冇讲收几钱，要我自己偷望收银机弹出既发票写住$24我先知几钱🙄烧味师傅，口罩遮唔到个鼻😱，今时今日疫情咁严重有d担心。呢到既职员/ 烧味师傅原来系唔会帮手包装外卖，佢封好盒就放个饭盒出黎呼喝我自己包外卖。其实自己包都唔系问题，但系态度真系唔需要咁差🤬！返到公司，打开胶袋，见到盒边都几污糟，食既时候都好小心唔好掂到个边，同事们个盒边都有同样问题。味道方面，叉烧够林，外边有蜜汁挂住😋，切鸡不过不失，24蚊双拼饭，CP值好高👍🏻！