十三么

营业中

休息中

今日经过美孚某商场嘅小巷，见到有间车仔面几有特色，谂住一试下发现$38有三个𩠌连面，最啱而家经济环境，抗疫抗通胀价。我拣咗猪红、猪肠同咖喱鱼蛋，面就拣咗幼面，选咗麻辣沙嗲辣汁。回家打开车仔面，发现仲系热辣辣，咖喱鱼蛋好入味，够软熟弹牙；猪肠大部份都烟韧爽口，都有六七粒；最好食都系猪红，细细粒好弹牙好入味。讲返个幼面，普通幼面但都几滑；讲到个汤底，麻辣沙嗲辣汁好浓味，但唔会辣到舌头都麻痹。我最欣赏呢碗车仔面嘅地方系每碗都一定搭几条菜俾你，唔似得好多面店想食菜要计多你一个𩠌。总括而言，美孚区内一间好有heart嘅车仔面店👍🏻👍🏻👍🏻