點盅皇包點專門店

营业中

休息中

五点半 lunch，我想食豉汁蒸排骨呀，点知只有排骨饭，但无净排骨点心卖啰。劲平啰，3 个点心 $41 蚊乍，平通街。香菇烧卖，啖啖肉又菇味浓都满意，只不过系咸左少少同好鬼油淋淋啰，食完连润唇膏都可以悭返。一路以来都系卖干蒸烧卖㖞，几时变左香菇架？送错货？鲜竹卷，虽然比起香菇烧卖更加油腻，不过三个点心之中最好食啰 ﹗猪肉馅正，腐 皮咽韧带滑又索尽酱汁，好味道。但跟晓厨始终无得比，蚊髀同牛髀、天堂与地狱，不过要叹晓厨高质点心要去到铜锣湾呢！四宝鸡扎，居然会系猪皮鸡扎，最讨厌猪皮当鱼肚，扣分 ﹗不过难得用猪肚，加分 ﹗但系苦涩腍劈劈呢，再扣分！学埋唐记?衰野用猪皮做馅，虽则爽口但有一股油益味道，破坏晒整个味道组合。浪费我 quota 食猪皮鸡扎，我净 系要鱼肚鸡扎呀！仲要系芋头，我唔食架，芋头我一向都唔食，又要掉去垃圾桶。鸡柳比平时食开既细左一半，而且过咸重口味呢。腐皮正常，不过干争争无汁啰。