影片
更多
2023-10-04
844 浏览
晏昼唔想煮饭就落楼试吓呢间餐厅。呢间餐厅都开咗一段日子，之前喺出面睇，佢嘅定位应该系cafe，最多人𠮶排成日都见到有人夜晚嚟食甜品，咁今日晏昼就过嚟试吓啦！首先上左杯homemade lemonade。系我钟意嘅味道，好轻嘅甜，适量嘅酸，甜酸平衡，真系有啲似清新嘅柠檬味。唯一不足系细杯左啲，不过出嚟食嘢嘅餐厅都系咁上下㗎啦～接住落嚟系卡邦尼意粉。谂住卡邦尼意粉咁容易，间间舖头都有，应该唔会出事啦，点知就比我食咗人生第一个出事嘅卡邦尼意粉😵💫首先，职员上咗碟意粉之后，我好奇怪，点解冇餐具既呢？然后职员礼貌地指示我餐具系自助嘅。当刻我心里有打个突，我唔记得有冇收服务费，但系我一碗意粉再加一杯嘢饮埋单都$212，唔通系因为冇收服务费？所以连「上餐具」呢个咁简单嘅「服务」都豁免？拎好餐具，终于可以开餐。卖相正常，餐牌标榜用兰王蛋。冇食开兰王蛋嘅我，先试咗一啖蛋黄汁，感觉好似平时买开嘅普通日本蛋黄比较浓味。识落口，佢哋嘅面用咗天使面，而唔系一般嘅spaghetti，即系幼身啲嘅面。当时我仲觉得厨师应该系有心思喺食物度，喺材料上都做过下设计。点知，仅止于此。火腿用左Parma ham，可惜煎得太
Homemade lemonade
28 浏览
0 赞好
0 留言
首先上左杯homemade lemonade。系我钟意嘅味道，好轻嘅甜，适量嘅酸，甜酸平衡，真系有啲似清新嘅柠檬味。唯一不足系细杯左啲，不过出嚟食嘢嘅餐厅都系咁上下㗎啦～
接住落嚟系卡邦尼意粉。谂住卡邦尼意粉咁容易，间间舖头都有，应该唔会出事啦，点知就比我食咗人生第一个出事嘅卡邦尼意粉😵💫
卡邦尼意粉
19 浏览
1 赞好
0 留言
首先，职员上咗碟意粉之后，我好奇怪，点解冇餐具既呢？然后职员礼貌地指示我餐具系自助嘅。当刻我心里有打个突，我唔记得有冇收服务费，但系我一碗意粉再加一杯嘢饮埋单都$212，唔通系因为冇收服务费？所以连「上餐具」呢个咁简单嘅「服务」都豁免？
拎好餐具，终于可以开餐。
卖相正常，餐牌标榜用兰王蛋。冇食开兰王蛋嘅我，先试咗一啖蛋黄汁，感觉好似平时买开嘅普通日本蛋黄比较浓味。
识落口，佢哋嘅面用咗天使面，而唔系一般嘅spaghetti，即系幼身啲嘅面。当时我仲觉得厨师应该系有心思喺食物度，喺材料上都做过下设计。点知，仅止于此。
火腿用左Parma ham，可惜煎得太干，可能厨师本身系想做干脆嘅口感，但系脆就唔见咗，剩返落嚟嘅只有干嘅感觉。而且食水未免太深了吧？成碗面就真系得呢3块Parma Ham！
既然碗面嘅定价已经去到百几蚊，一系你就用返啲平价啲嘅火腿，起码比分多少少肉嘅份量去点缀个颜色同口感，一系就比多两块Parma Ham，依家嘅大细一开二，喺视觉上嘅份量都比较多一啲，而且食起上嚟唔会咁容易整污糟面。
口感上，意粉煮得唔错，系al dente。味道一般，蛋黄味唔够浓，冇办法令成个意粉充满蛋味。忌廉落得亦唔多，本来我好欣赏，唔会咁漏，但点知食唔到奶香同忌廉味，令我怀疑系根本冇落过忌廉，定系落得太轻手？
洋葱炒唔够火候，食到洋葱口感亦食唔到洋葱嘅香味，要再煮焦一d，先有焦糖味、焦香同颜色。芝士睇落好多，但系其实只系好薄轻飘飘好似木鱼碎咁嘅芝士碎， 捞完之后已经冇晒芝士味。如果想突出芝士嘅咸香，建议都系用返红车打芝士比较好。如果已经系用紧红车打芝士，建议换过个牌子🫡
以我所知，好多cafe系有用卡邦尼粉（好似奶粉咁嘅粉）就咁捞咗个煮熟嘅意粉沈少少材料上碟，就系拎出嚟卖百一二蚊嘅意粉。咁究竟根既定位系咩呢？系好似呢类型嘅cafe，以$10内嘅成本去赚钱，定系想做一间用心出品嘅小店呢？如果只系想用低成本去赚最多钱嘅，咁我觉得保持现状就可以。但如果系想做有心嘅小店，喺食物上有好大既进步空间。
作为街坊，我比较期待一间好食嘅餐厅。
张贴
