鴛鴦奶茶 (匯貿中心)

营业中

休息中

约咗屋企人夜晚食自助餐，但系又未食晏又未食早餐，饿到有啲疯。咁就早少少出嚟食个下午茶先。你呢度就系想试去过热香饼猪柳蛋。本身想去中大分店，因为𠮶边有薯宝，呢度就冇。不过因为顺路咁就冇特别过中大。出到嚟啱啱好last order。虽然冇薯宝，但系粗薯条都唔错，不过啲茄汁就稀咗少少。讲返个热香饼猪柳蛋，我觉得比起大型连锁餐厅𠮶个好食，一来个热香饼甜啲，二来个猪柳蛋个蛋有少少脆边又流心。呢间茶餐厅，我觉得杯斋啡真系几好饮，好饮在于佢唔酸唔苦平衡得几好。不过唔知呢个猪柳蛋热香饼可以做到几耐，不过下次都系要去中大店试埋个薯宝。