居食屋「和民」 (已結業)

前排同个 guy friend 两条麻甩去和民「把酒言欢」，因为唔记得用BEA 信用卡Book位，所以足足等左9个字 但以佢地ge质素同价钱，值得ge! 两只饿鬼叫左5𩠌1酒，食大佢:　 鱿鱼软骨烧 ---------- 佐酒佳品! 鱿鱼软骨有嚼头又够惹味，原来成条鱿鱼最正系佢 明太子芝士玉子烧 ---------- 「明太‧子」即系「鳕鱼‧籽」咁解。依道既玉子虽然够厚身，但系同「明太子」两者本身都冇咩味，淡口左d 如果用番d浓味少少既调味去制作咁就好食啦! 鲣鱼刺身伴柚子醋汁沙律 ---------- 新奇ge开胃配搭，应该第一道菜上! 记住要连葱带一齐食呀! 海鲜忌廉pizza ---------- 成个PizzaHut 个普通批咁大 味道偏淡但海鲜足料，做发介乎日式与西式pizza之间。因份量太大，我地两条友食嘴啤啤 建议起码有4个人先好叫。 豪华寿司盛合 ---------- 又系创作寿司来的! 食落OK ge，但系卖相似乎比味道更吸引。 Refines Sake (Cold) ---------- Sake 好多人都唔钟意饮，原因好可能系佢地叫左热ge，同埋饮得太大啖