秀韓國餐館 (已結業)

上次过门而不得入，对侍应不瞅不睁态度感觉深刻。于是决定再次挑战，究竟我有冇误会佢...答案系....冇既! 待客之道绝对唔系刘华个套，但食物真系好好食，抵佢串得起!!前菜 - 6小碟但系其实得5种XD前菜5款炸年糕 -- 纯粹见到openrice大家都食所以叫左一客，又几好食，个底脆脆地，加上茄酱，小食算唔错。Openrice上大家都击节赞赏既牛肋骨当然要来一碟，4个人叫左两条，原来都好多，好彩冇叫4条...牛肉好腍，萝卜好腍，冬菇都好腍 全部都入味，仲加送4条年糕(好少...) 好味!韩国餐厅指定动作 -- 炒粉丝。炒得干爽，唔会油油腻腻咁，好食！但肉多过粉丝....我钟意食粉丝多啲泡菜煎饼唔系间间餐厅都煮得好食，一系粉多，一系油多，一系两样都多 = = 但依件饼真系惊喜，泡菜好多唔孤寒，唔会好油，煎得好香！部队锅，系香港真系冇食过一间系好食既，终于「我找到了！」料好足，平时食开都稀到爆得啲汤，可能因为佢用浅既锅，所以啲料真系汹涌澎湃，食到见底!!