德興酒家

营业中

休息中

真系好耐未试过打边炉放题，话说同阿哥食饭，我就话打边炉，佢就话同同事最近食过呢一度，本身我都好挣扎，始终都觉得酒楼任食质素唔方好得去边，佢话绝对冇问题，咁好啦。唔知系咪因为太耐冇去过德兴，定系因为太耐冇去过酒楼食任食火锅，原来而家嘅质素系咁鬼好，我都已经唔记得任食几多分钟，但系佢完全冇吹我哋走，落单上菜速度都好快，重点系，饮品任饮，食物质素高。汤底叫咗甘笋粟米椰子鸡锅，坦白讲，净系食个锅底已经好足够，成只鸡，真系成只鸡分开俾你！全晚令到我最开心嘅，就系佢哋嘅海虾。有冇谂过打边炉都会有咁大只咁新鲜咁爽口嘅新鲜海虾，上到枱仲扎扎跳！我都唔记得自己叫咗几多round！除咗有一部份食物可以用纸落单，另外有一部份食物系自助餐枱有得攞，最神奇嘅系佢有出前一丁，其实我一入去已经见到话一定要食，结果比啲虾饱到完全食唔到。最后，每人仲有一盒movenpick嘅雪糕。