正宗印度菜館

营业中

休息中

我地系依住openrice o既地图去揾呢间店，去到都3点，唔知道人地就黎落场，走左入去食。当然果个人都照serve我地。我地叫左2个set lunch。咖哩羊 同咖哩牛 naan iced tea前菜系胡椒饼，有3款酱点，好味呀﹗之后有咖哩角同汤，咖哩角好味，好多薯仔o系入面，汤有d味精，饮一半就冇饮。咖哩牛同平时食o既咖喱牛腩一样，至于咖喱羊就好好味，d 羊肉又腍又冇乜脂肪。如果冇睇错咖喱羊系偏红色d，味道都特别好多，所以我d naan 都点晒果边。至于naan，都几ok，食得出o既面粉味，几好。加埋杯iced tea，仲有好有印度feel o既格局，而且冇其他人客，配合后面落左场一边食紧lunch 一边吹水o既印度待应，完全唔记得左自己o系hk。用左35蚊有一个咁美丽o既幻想，令人非常满意。