影片
更多
2022-08-24
1596 浏览
抵御严寒法宝，紧系涮羊肉啦喂🐑🐑🐑香港东来顺虽然无用碳炉但谂起羊肉火锅无理由唔系呢度点咗杜泊羊上脑（肉卷嚟，唔系又食脑），口感幼嫩，食落无腥味厚切羊肩系比较浓味款，比较有咬劲小小，个人比较喜欢羊上脑口感比较细致嫩滑咁当然唔会净系食羊嘅，本地牛颈脊肥瘦均匀，肉味浓都好食仲有必须要提埋个鹅肠，十分甘香又爽口，大推💓麻辣汤底唔会好辣，香口为主。配上招牌嘅醋麻点酱好带得起肉嘅鲜味食物整体满意，食完之后夜晚被都唔使冚🌞暖粒粒好舒服 （有个人热到食咗两碗凉粉😂）服务嚟讲就系负分嘅，平时嚟食小菜都正正常常，今次食火锅就出事啦。啲姐姐见你自己整火势望都唔望你，掂行掂过。但个重点系，个炉嘅switch 系喺个枱底，你见个客痞低整嚟整去你都好似无事发生见唔到咁，系劲嘅🤷🏻♀️（唔系个别例子，一晚发生咗起码两三次）都唔提人哋碌紧嘢食都未拎出嚟佢就加水，无错我哋系答话加水嘅而且个煲都真系要加，但你都等人拎返旧肉同只手走先呀，结果旧肉就冲咗落煲底揾都揾唔返变成煲汤渣，手又比热水弹到，乜玩法😤 （as usual 啲姐姐系无知觉地已经走咗去了）加水又加到个煲就爆，两边汤底就嚟捞埋，仲要我哋自己request 自己
点咗杜泊羊上脑（肉卷嚟，唔系又食脑），口感幼嫩，食落无腥味
厚切羊肩系比较浓味款，比较有咬劲小小，个人比较喜欢羊上脑口感比较细致嫩滑咁当然唔会净系食羊嘅，本地牛颈脊肥瘦均匀，肉味浓都好食
仲有必须要提埋个鹅肠，十分甘香又爽口，大推💓麻辣汤底唔会好辣，香口为主。配上招牌嘅醋麻点酱好带得起肉嘅鲜味
食物整体满意，食完之后夜晚被都唔使冚🌞暖粒粒好舒服 （有个人热到食咗两碗凉粉😂）
服务嚟讲就系负分嘅，平时嚟食小菜都正正常常，今次食火锅就出事啦。啲姐姐见你自己整火势望都唔望你，掂行掂过。但个重点系，个炉嘅switch 系喺个枱底，你见个客痞低整嚟整去你都好似无事发生见唔到咁，系劲嘅🤷🏻♀️（唔系个别例子，一晚发生咗起码两三次）都唔提人哋碌紧嘢食都未拎出嚟佢就加水，无错我哋系答话加水嘅而且个煲都真系要加，但你都等人拎返旧肉同只手走先呀，结果旧肉就冲咗落煲底揾都揾唔返变成煲汤渣，手又比热水弹到，乜玩法😤 （as usual 啲姐姐系无知觉地已经走咗去了）
加水又加到个煲就爆，两边汤底就嚟捞埋，仲要我哋自己request 自己要笔返走（well, 自己动手丰衣足食呢句嘢真系冇错嘅）
要开嘅酒几支都无，无言...可能系惩罚我平时冇珍惜宝贵嘅地球水资源
张贴
