影片
更多
2017-03-29
9325 浏览
突然谂四年几前嚟呢度食自助餐，有蚝，食物款式亦唔少，性价比高嘅自助餐，再睇最近食评评价都唔错，于是一行五人嚟聚餐。餐厅做紧三送一优惠，五人只需比四人价钱。由于我哋临时加多一人，所以座位较逼，不过枱同枱之间亦唔算阔落。食物方面有蚝，有蟹脚及面包蟹，性价比算高。每人送一份嘅小食，卖相几吸引，不过一啲都唔好食。生蚝大大只，虽然唔系即开，食落好Creamy，有啲有蚝味，有啲咩味都无，但系refill得快。海鲜吧有蟹脚，面包蟹，两款青口，濑尿虾，涷虾，狮蚶。蟹脚味偏淡，面包蟹有膏但好实，濑尿虾几好味，其他就普普通通。刺身嘅分配嘅份量唔少，切得厚身，三文鱼新鲜，甜虾好快就无晒，亦无再出。上图芝士汁焗蚝及蒜茸焗蚝麻麻。下面系即焗蚝，焗田螺及即煎羊架，焗蚝可以，田螺牛油味香，羊架普通。各款熟食，比较好嘅黑松茸酱炖蛋白同埋德国猪手拼盘，炖蛋白有淡淡嘅黑松茸酱味，猪手外皮虽然唔脆但系唔韧。其他有西班牙黑毛猪柳伴鲍螺扒北菇，镇江香醋骨，红酒烩牛等亦可以。天妇萝同避风塘虾唔好食，炸浆较厚而且涷咗会淋身，炸云吞可以。紫薯软心薯饼同埋好鹿儿岛豆腐好味。面档有喇沙及唔辣嘅清汤。忌廉汤及西洋菜汤，忌廉汤唔够味，中汤过
每人送一份嘅小食，卖相几吸引，不过一啲都唔好食。生蚝大大只，虽然唔系即开，食落好Creamy，有啲有蚝味，有啲咩味都无，但系refill得快。
海鲜吧有蟹脚，面包蟹，两款青口，濑尿虾，涷虾，狮蚶。蟹脚味偏淡，面包蟹有膏但好实，濑尿虾几好味，其他就普普通通。
刺身嘅分配嘅份量唔少，切得厚身，三文鱼新鲜，甜虾好快就无晒，亦无再出。
上图芝士汁焗蚝及蒜茸焗蚝麻麻。下面系即焗蚝，焗田螺及即煎羊架，焗蚝可以，田螺牛油味香，羊架普通。
各款熟食，比较好嘅黑松茸酱炖蛋白同埋德国猪手拼盘，炖蛋白有淡淡嘅黑松茸酱味，猪手外皮虽然唔脆但系唔韧。其他有西班牙黑毛猪柳伴鲍螺扒北菇，镇江香醋骨，红酒烩牛等亦可以。天妇萝同避风塘虾唔好食，炸浆较厚而且涷咗会淋身，炸云吞可以。
紫薯软心薯饼同埋好鹿儿岛豆腐好味。
面档有喇沙及唔辣嘅清汤。忌廉汤及西洋菜汤，忌廉汤唔够味，中汤过咸。
甜品种类算多，但味道普通。面包布甸为方便食客拎已经切好一件件，但就因为咁所以比较硬。
较好嘅有芝士蛋糕，杨枝金露。
回本嘅Movenpick雪糕点可以错过。
张贴
