奇華餅家 (朗豪坊)

营业中

休息中

长假期，又有优惠券就快到期，去奇华买定啲干粮。估唔到原来好多人同我一样，都买劲多饼。店铺灯光光猛，货品摆放都算整齐。店员笑容可嘉，即使用优惠券买野都对客人态度亲切，十分抵赞!红豆绿茶卷绿茶味好香，而且红豆唔会太甜，个味道平衡到。黑芝麻竹炭瑞士卷黑芝麻味道浓，蛋糕唔会太干。红豆蛋白卷蛋糕软熟，不太有红豆味。冬蓉老婆饼超好食，唔会一咬开就跌哂啲饼碎，冬蓉唔会太甜，又有烟韧感。黑糖马仔味道唔会太甜，唔会一咬就散开。都几抵，几十蚊买到咁多野。点知未到假期，差唔多食晒。