奇華餅家 (朗豪坊)

营业中

休息中

早排行過朗豪坊奇華見到新鮮焗製奶皇月做緊買一送一優惠就忍唔住入手，仲送一個靚靚迪士尼紙袋裝住添-新鮮焗製奶皇月 $122有雜錦味及原味選擇雜錦味包括：蛋黃奶皇月兩件、朱古力奶皇月及伯爵茶奶皇月各一件食之前叮一叮佢熱熱哋更好味-▶蛋黃奶皇月：曲奇皮薄而輕脆帶牛油香；蛋黃及奶皇香豐富又平衡，質感細滑，甜度適中，非常滋味▶朱古力奶皇月：外皮及內餡朱古力味皆濃郁醇香，口感軟滑，甜度恰好▶伯爵茶奶皇月：內餡含適量的伯爵茶籽，作為茶控的我希望伯爵茶香可更濃厚，且甜度可減一點

又到中秋又到中秋奇華奶皇今年又有新搞作同KITTY合作之餘仲有新禮盒,新口味奶皇月餅有草莓乳酪奶皇,朱古力味香橙乳酪奶皇前者乳酪味突出酸味明顯後者香橙味濃郁各有特色KITTY MY MELODYPOCHACOOPEKKLE 每個獨立裝一個賣$42 印上可愛的圖案,用來送禮一定受歡迎呢女生或送給小朋友都非常合適的中秋節禮品 

長假期，又有優惠券就快到期，去奇華買定啲乾糧。估唔到原來好多人同我一樣，都買勁多餅。店鋪燈光光猛，貨品擺放都算整齊。店員笑容可嘉，即使用優惠券買野都對客人態度親切，十分抵讚!紅豆綠茶卷綠茶味好香，而且紅豆唔會太甜，個味道平衡到。黑芝麻竹炭瑞士卷黑芝麻味道濃，蛋糕唔會太乾。紅豆蛋白卷蛋糕軟熟，不太有紅豆味。冬蓉老婆餅超好食，唔會一咬開就跌哂啲餅碎，冬蓉唔會太甜，又有煙韌感。黑糖馬仔味道唔會太甜，唔會一咬就散開。都幾抵，幾十蚊買到咁多野。點知未到假期，差唔多食曬。

約咗朋友係朗豪坊等, 見未夠鐘係朗豪坊週圍行吓, 剛巧經過奇華餅店, 入内看看, 中式餅我不太喜歡, 但這裡有西式旦卷, 有老公喜愛的咖啡味同我至愛的抹茶味, 買來做早餐也是不錯的選擇。第二日早上, 我同老公都以此旦卷做早餐, 我件旦卷軟綿綿, 份量又大件, 味道仲好味過美X同聖安X, 抹茶味可以再濃D, 最鍾意D cream 夠少(我最怕多 cream), 而且坊間都好少單件賣, 多數整條買。奇華原來中式餅整得好之外, 西式餅也不俗。

影帝不愧是影帝, 曾志偉今次幫奇華拍的月餅廣告, 演譯一位待母親如孩子一樣, 珍惜所愛的孝子。 在前半段見到曾志偉與小女孩的對手戲, 我感覺他演得出慈父的模樣, 有種「我捨不得妳長大」的感覺, 後段是由與女兒擁抱轉變為與母親擁抱, 擁抱後望着母親的眼神......演譯得淋漓盡致。 就是這些feel令我對至尊月餅多了一份好感, 剛巧奶奶送我們一盒迷你至尊蛋黃純白蓮蓉月迷你月餅的個子是真的很的骰。 成份有蓮蓉(砂糖、蓮子、花生油、水、麵粉)、麵粉、鹹蛋黃、雞蛋、砂糖、花生油、酸度調節劑E501i, 食用日期可以去到10月。個子那麽小便沒有可能是原隻鹹蛋黃, 個人比較喜歡漏油的鹹蛋黃, 可惜這隻沒有 蓮蓉食落有陣苦澀味, 似是蓮子芯的苦澀味, 雖然蓮子芯有清心降火的功效, 可是當帶着感恩心情的腦袋去吃甜甜月餅而舌頭反映的卻是苦澀味, 這種心情有種直墜下谷底並動彈不得 除了味道, 蓮蓉所含的油分也高, 縱使蓮蓉是用花生油來煮但只吃四分一件也會有膩滯感影帝不愧是影帝, 這種味道的至尊月餅也能用親情包裝去賣廣告, 戲子無情