越一越南牛肉粉專門店

营业中

休息中

平时都好少会食越南野，但一食亲就一定会食生牛肉汤河。但真心，唔系间间都整得好味。今次黎到越一越南牛肉粉专门店都唔例外，我都系叫左碗生牛肉汤河食。黎到餐厅，已经见到门口大大个招牌，装修新净企理。餐厅既装修主要以竹既风格为主，而且梳化既颜色系绿色，非常配衬。望向墙身，有一段文字都系介绍生牛肉河，所以，生牛肉河真系唔叫唔得。唔讲真系唔知正宗既生牛肉河入面系包含左d咩配料。我叫左碗生牛肉汤河，而我老公就头顿三宝饭。另外，我地跟餐加左个越一炸春卷，另外餐饮升级左做薏米水。先讲下碗生牛肉汤河 $38单系卖相已经好吸引，入面有生牛肉、白萝卜、鹅帝、金不换、芽菜、葱花等等。整配面因为呢d配料而更加香浓。生牛肉非常簿切，而且肥瘦适中，而且肉质嫰滑。汤底够热，牛肉浸一浸汤底就已经熟了。头顿三宝饭 $48三宝包括鸡翼、猪扒、扎肉。鼓油系分开上，所以中意落几多都得。而最值得赞既系鸡翼。真心觉得鸡翼好好味。虽然我唔知鸡翼加了什么香料，只知非常入味，外脆内嫰，同老公一人一只，但食完都觉得唔够喉。越一炸春卷 $12跟餐加配12蚊，其实仲有好多其他小食加配。入面既馅都非常丰富。有猪肉，甘笋丝、粉丝、木耳等等，口感一流