第一郡 (已結業)

午餐时去食晏，试左一间越南餐厅，Q1第一群，因为平时都好多人等位，难得有空，梗系试试。餐厅主打越式粉面为主，我就叫左个蟹膏蕃茄汤檬。餐厅用足料，汤檬一黎到，已经见食物铺满面上。大大颗蕃茄，厚厚既札肉同蟹膏饼。仲有丰富既配料。未食已经给店家一个赞。先试一口汤，蕃茄汤既酸酸甜甜好醒胃，由汤既清甜更可以肯定店家用足料而不是味精版的茄汤。厚厚既札肉食落先过瘾，好过一片片纸甘薄既，食完等于无食甘。蟹膏饼则建议先浸一下汤再食，吸收左蕃茄既精华，口感更丰富，味道更突出。而蟹膏饼更大件，唔怕一啖就食哂。边食边配檬粉，滋味！钟意食蕃茄既仲有半个大蕃茄可以食。如果唔钟意原只食，可以夹散后等味道更溶入汤中。加上香茅显鲜，呢个面确不错，性价几高。