越萊 (福榮街)

营业中

休息中

寻晚同朋友去西九龙中心买完野之后，就揾地方食晚饭。 两个女仔都系比较钟意食粉面，见我哋一致想食越南河粉，于是我印象中记得福荣街有一间，果然冇错就系「 越莱 」。 早两个月食过佐敦嘅分店印象好好，所以二话不说就拉咗朋友入去一齐食。呢度有全日供应嘅河粉套餐，最平一𩠌 $46就有交易，而且仲会热金橘蜜一杯，真系啱晒我哋两个女仔。朋友叫咗两𩠌嘅🔑《 扎肉鸡丝檬粉 $50 》而我就叫咗三𩠌嘅 《猪软骨、牛筋、萝卜檬粉 $56 》。 够晒大碗，而且汤底仲可以拣牛骨汤，味道好清香又唔油，猪软骨真系好够腍，入口骨胶原满满；牛筋就连左一啲腩肉，入味有口感；萝卜都清甜，虽然有少少渣。然后带出两份小食，小食都可以拣份量，都几好，两个女仔就可以拣最细分嘅～ 《 越式春卷 $26/2件 》 配埋酸甜酱好惹味又香脆。《 越式鸡翼 $26/3只 》出边应该用牛油炸，有卜卜脆嘅外层，而鸡翼都多肉，虽然唔算嫩。呢间几抵食下次可以再食。