安南小館 (形點) (已結業)

今日三姨妈同四姨妈话想约埋我们一齐见面同食晚饭，所以我们就约咗去元朗形点嘅「安南小馆」食晚饭！我们叫咗个越式晚市套餐有：炭烧猪颈肉沙律嘅肉质好爽滑，而且炭烧过，所以味道更加芳香，再加埋啲爽脆嘅青瓜丝、洋葱丝等等等等⋯⋯一齐食，酸酸辣辣感觉好醒胃！椒盐大头虾嘅肉质好爽甜弹牙，而且都几大只，椒盐嘅味道相当惹味，最好系唔会好咸！明炉香茅青柠桂花鱼都几大条肥美，肉质好鲜味嫩滑，而且吸收晒香浓嘅香茅味同清新嘅青柠汁，真系好正呀！越式咖哩肉松炒饭炒得都几干身同粒粒分明，材料除咗有肉松之外，仲有切成细细片嘅扎肉片、虾肉等等等等⋯⋯都几足料丰富！杂菌炒西兰花嘅油比较多，食落成口都系油，感觉非常油腻，呢样系令我们觉得比较失望！跟餐嘅甜品椰汁粟米糯米「热」嘅糯米好烟烟韧韧，加埋啲香甜嘅粟米粒一齐食，令到口感更加丰富，微微热嘅椰汁相当香甜浓郁！椰青果冻「冻」果然好够冰冻，而且味道非常清甜芳香！另外我们再单点咗沙嗲牛肉炒河粉炒得都几够镬气，河粉嘅质感好烟韧软滑，沙嗲味亦相当浓郁！菠萝海鲜炒饭虽然唔系用原个菠萝盛载著上碟，但切成粒嘅菠萝份量非常多，差唔多每一啖都可以食到，酸酸甜甜相当醒胃！