狂野麻神麻辣火鍋 (已結業)

呢排天气好冻，边炉瘾又发作，知道尖沙咀开左间台湾过江龙，麻神麻辣火锅，仲有午市一人套餐。由于新开，基本上唔洗等位就坐得，地方都好阔落，唔会焗到成身味。佢个午市套餐好抵，$68有三个配菜，一个面，任选汤底送饮品。原来个锅仲会跟配菜，有粟米、娃娃菜等，我要左麻辣汤底配薯粉，肥牛、山葵芝士丸同蔬菜饺，饮品要薏米水。个汤底有好香花椒味，嗜辣人士可试下，不过我食得辣会更想再辣啲。啲薯粉真系超级正，烟烟un un仲要索哂啲汤，好入味！另一锅要左蕃茄汤底配韩国辛辣面，要左蚝，竹苼同墨丸，推荐大家要试蚝，加钱有两只，只蚝都算大只。个汤底好香蕃茄味，食得岀系有用真蕃茄煮成蓉咁。再试左个鸭血果冻，好弹！依家like 社交平台 会有小食送，所以整体性价比好高，又食到好饱，会再食！