101台式休閒餐廳 (青衣城2)

营业中

休息中

放工约咗朋友喺青衣城食嘢，佢话想倾吓计叙吓旧，食就简单啲，咁佢带咗我嚟呢间台湾餐厅，谂住简单食碗面。坐低之后，店员姐姐推介我哋食一人火锅，睇落几吸引，结果我哋就由食面变咗食火锅😆。朋友叫咗$81嘅「台湾古早牛肉火锅」，加$8「黑豚肉片」，加$4要咗「台湾卤肉饭」，再加$5要咗个「热珍珠奶茶」。我就要咗$79嘅「台湾卜卜蚬火锅」，加$3渝川面，再加$5要咗「热柠水」。两个火锅好快就嚟到，朋友话佢嘅「牛肉锅」有香浓牛肉味，同埋牛肉好软熟好入味，火锅里边仲有好多蔬菜，有椰菜、蕃茄，食落几好味。「卜卜蚬」新鲜肉质结实，同样有好多蔬菜，感觉健康。食咗咁多嘢，每人都系$93，几抵。