一焼肉

营业中

休息中

喺上水广场行街，经过「一烧肉」，见到有「一人烧肉放题」，只需$99 就可以食75分钟，头60分钟内可以无限追加10款肉类🥩和野菜🥬，好抵咁，所以入去试吓！「一烧肉」嘅座位阔落，而且新净，坐得几舒服！10款肉类＋野菜：🥩牛五花、和牛汉堡、豚五花、香草豚肉肠、鸡脾肉、🥬紫洋葱，杏鲍菇，粟米，新鲜波萝，蒜片牛油金菇虽然系放题，但肉和野菜嘅质素唔差，肉类烧完依然唔韧，配烧肉汁食好好味！一人放题还有紫菜饭 / 温子玉子饭、泡菜和味噌汤，所以再追加咗一次牛五花和豚五花后，已经开始饱。不过，甜品系一定要食嘅，所以我哋追加咗雪糕，为呢餐划上完美句号！请注意，周未及公众假期，每位要另加20蚊。另外，点放题，追加有饮品会有50% off，串烧就15% off。