金頤小館 (已結業)

听讲北角有价钱实惠又好味既上海菜，特登过黎试下。花雕醉鸡 $52居然系一细碗，都有8、9件既，味道正常。清炒河虾 $108第一次食细细粒既虾仁，无乜调味，有淡淡既鲜味，无雪味，几爽口。小笼包 $35皮比较厚，肉同汤都唔算多，味道ok。上海炒年糕 $58好钟意食年糕，份量几多，味道甘香啱啱好，好满意。生煎包 $18 (2个)好多肉汁好热！要食得好小心，肉馅都唔错，觉得抵食过小笼包。豆浆 $10唔系太甜又有豆味，唔颓。整体黎讲味道中上而价钱实惠，会再黎，特别系职员对我地只导盲犬好友善。