影片
更多
2017-12-03
4952 浏览
临近圣诞节，就梗系多节目㗎啦。是日同朋友行街，行到攰，咁岩经过位于油麻地弥敦道嘅「蒲东小馆」，见佢新开，就打算入嚟试吓啦。黎到食上海菜，就梗系要饮返杯豆浆啦。豆浆可以拣冻同埋热，依家天气凉凉地，当然系饮返杯热豆浆啦。呢度嘅热豆浆，甜度适中，温度刚刚好，入口唔会太热，唔使摊好耐就可以入到口，值得一赞。餐牌除咗有以上嘅食物之外，仲有一味标榜零脂肪嘅特色脆皮咸鸡，仲讲明系江浙自家后园饲养走地鸡。虽然以＄78来讲，呢个份量比较少，但系入口咸咸地，冇咩肥肉，味道算唔错。酸辣汤有分一碗同埋例牌，钟意饮呢个汤嘅我哋，叫咗一个例牌黎share。例牌嘅份量都算好多，有成五至六碗咁多，算系物超所值。酸辣汤入口酸酸地，配料都好足，如果可以整得再辣少少，咁就更加好啦。鲜肉小笼包一份有四件，入面嘅汤汁唔单止够多而且好鲜甜，皮薄得黎亦都唔会咁易穿。锅贴煎得香脆亦都唔会太㶶，入口带点烟韧，馅料仲有少少肉汁，咬一啖，饺子汁就会流出嚟，唔错。高力豆沙算系我全餐饭入面最期待嘅甜品。高力豆沙系由炸蛋白同埋豆沙整成嘅，炸蛋白整得非常松软，大个得黎亦都几实净，中间嘅豆沙亦都唔会太甜，配埋面头嘅糖霜，入口非常好味。呢度嘅食物同服
是日同朋友行街，行到攰，咁岩经过位于油麻地弥敦道嘅「蒲东小馆」，见佢新开，就打算入嚟试吓啦。黎到食上海菜，就梗系要饮返杯豆浆啦。豆浆可以拣冻同埋热，依家天气凉凉地，当然系饮返杯热豆浆啦。
呢度嘅热豆浆，甜度适中，温度刚刚好，入口唔会太热，唔使摊好耐就可以入到口，值得一赞。餐牌除咗有以上嘅食物之外，仲有一味标榜零脂肪嘅特色脆皮咸鸡，仲讲明系江浙自家后园饲养走地鸡。
虽然以＄78来讲，呢个份量比较少，但系入口咸咸地，冇咩肥肉，味道算唔错。
酸辣汤有分一碗同埋例牌，钟意饮呢个汤嘅我哋，叫咗一个例牌黎share。例牌嘅份量都算好多，有成五至六碗咁多，算系物超所值。
酸辣汤入口酸酸地，配料都好足，如果可以整得再辣少少，咁就更加好啦。
鲜肉小笼包一份有四件，入面嘅汤汁唔单止够多而且好鲜甜，皮薄得黎亦都唔会咁易穿。
锅贴煎得香脆亦都唔会太㶶，入口带点烟韧，馅料仲有少少肉汁，咬一啖，饺子汁就会流出嚟，唔错。
高力豆沙算系我全餐饭入面最期待嘅甜品。高力豆沙系由炸蛋白同埋豆沙整成嘅，炸蛋白整得非常松软，大个得黎亦都几实净，中间嘅豆沙亦都唔会太甜，配埋面头嘅糖霜，入口非常好味。
呢度嘅食物同服务都唔错，喺油尖旺呢区黎讲，价钱算适中，适合一大班人一齐黎，咁就可以叫多啲嘢一齐食啦！
张贴
