萍萍上海館

营业中

休息中

👩🏻试试呢间上海餐馆，估唔到系筲箕湾阿翁厨房嘅姊妹店。同样系食物质素高兼好抵食😋。🥢烟鸭丝春卷 配酸辣汤 热豆浆 $38春卷香脆可口。除咗有烟鸭丝仲有清甜嘅红萝卜、椰菜丝。馅料有好重烟熏香气，比起一般上海三丝春卷更惹味。酸辣汤醋味重，辣度低，非常易入口。用料充足而且口感丰富。🥢招牌上汤小笼包 $35/4虽然唔算皮薄，但大只多汁，而且汤汁鲜甜唔过咸。猪肉馅鲜味又唔膻。🥢上海菜肉云吞 $35/5云吞皮薄重蛋香，馅料清甜鲜味。除咗猪肉、白菜，仲有爽脆嘅木耳丝。汤头清澈带麻油香，亦有唔少绍菜。