影片
更多
2022-10-28
1205 浏览
2022年10月20日 星期四呢日放lunch既时候同同事黎到筲箕湾形荟揾嘢食，见到呢间餐厅已经新开张左都有一段时间，但系从来未食过，所以今次就嚟试吓入到去见到装修都几有特色，好有以前香港茶餐厅嘅感觉，一枱一櫈都几有格调，墙上面仲挂咗几个霓虹灯添餐牌上都有几多选择，除咗午市套餐之外，仲可以散叫，而且饮品有近期热卖嘅芝士奶盖系列，食物主打系上海菜，有红烧狮子头、黑醋松子鱼、上海炒年糕等等，最后我哋每人拣咗一个午市客饭，再加一杯饮品，另外仲点咗甜品一点完餐之后，店员就送上例汤，个汤好足料，饮落去味道好丰富，而且饮完之后都唔会觉得口渴，唔算太咸，感觉似系煲咗好耐嘅老火汤之后仲有前菜食，系肉丝青豆，食落去酸酸地几开胃，而且青豆脆脆地，同肉丝一齐食，口感好特别跟住客饭就陆续送上，我哋决定share黎食，首先有京葱炒牛肉，牛肉炒得好香，配埋洋葱同京葱一齐食，味道好夹，而且牛肉好腍，唔会炒到太老至于另一个小菜就系什果糖醋鱼片，之前系其他餐厅食开嘅都系糖醋鸡球或者糖醋骨，今次配鱼片更加容易食，啱晒老人家，而且加咗杂果，酸酸甜甜咁，用嚟送饭一流，好快已经成碟俾我哋清晒饮品方面，我叫咗芒果芝士云配抹茶同红
呢日放lunch既时候同同事黎到筲箕湾形荟揾嘢食，见到呢间餐厅已经新开张左都有一段时间，但系从来未食过，所以今次就嚟试吓
入到去见到装修都几有特色，好有以前香港茶餐厅嘅感觉，一枱一櫈都几有格调，墙上面仲挂咗几个霓虹灯添
餐牌上都有几多选择，除咗午市套餐之外，仲可以散叫，而且饮品有近期热卖嘅芝士奶盖系列，食物主打系上海菜，有红烧狮子头、黑醋松子鱼、上海炒年糕等等，最后我哋每人拣咗一个午市客饭，再加一杯饮品，另外仲点咗甜品
一点完餐之后，店员就送上例汤，个汤好足料，饮落去味道好丰富，而且饮完之后都唔会觉得口渴，唔算太咸，感觉似系煲咗好耐嘅老火汤
之后仲有前菜食，系肉丝青豆，食落去酸酸地几开胃，而且青豆脆脆地，同肉丝一齐食，口感好特别
跟住客饭就陆续送上，我哋决定share黎食，首先有京葱炒牛肉，牛肉炒得好香，配埋洋葱同京葱一齐食，味道好夹，而且牛肉好腍，唔会炒到太老
至于另一个小菜就系什果糖醋鱼片，之前系其他餐厅食开嘅都系糖醋鸡球或者糖醋骨，今次配鱼片更加容易食，啱晒老人家，而且加咗杂果，酸酸甜甜咁，用嚟送饭一流，好快已经成碟俾我哋清晒
饮品方面，我叫咗芒果芝士云配抹茶同红豆，饮落去有啲似宇治金时，不过多咗芝士嘅咸味同芒果嘅甜味，全部混合起上嚟出奇地配合，完全饮唔到抹茶嘅苦涩味，而且红豆都有唔少添
至于同事呢一杯就系芒果芝士云配茉莉茶，佢话饮落去几清新，有好多芒果喺里面，同埋够晒冰冻
最后甜品我哋要咗炸芝麻团，嚟到嘅时候见到芝麻团炸到一粒粒金黄色，外面仲包咗好多黑白芝麻，咬落去好软糯又烟韧，食完觉得好满足
埋单大约$300，除返开每人$150，但食到咁高质素既菜式，下次一定再黎帮衬！！
张贴
