和平飯店 (V Walk) (已結業)

第二次食和平饭店，之前一早订了枱。平均味道中上，性价比高。不过略嫌比较嘈。鸡丝粉皮，味道正常，唔会太少酱，份量大碟。松子鱼，比我想像中大条，甜甜酸酸，啲肉唔会太实，味道适中。担担面，炸猪扒啲肉有少少干，但未去到柴嘅感觉，味道普普通通。赛螃蟹，大大粒蛋白，好嫩滑，味道唔错。小笼包，一笼有四粒，皮唔系太厚，但未去到好薄，冇咁容易穿，食落去劲多肉汁，但又唔会太咸，好食。上海炒年糕，味道适中，年糕烟烟韧韧。豆沙锅饼，唔系特别脆，但冇乜油。高力豆沙，炸到好松软，不过太少馅料。五个人食，平均每人$16x .