影片
更多
2023-06-30
505 浏览
2023年6月14日 星期三今晚放工之后就去左沙田等老婆收工，最后去咗禾𪨶商场揾野食，见到呢间上海菜餐厅好似唔错就入咗去试下好彩入座既时间都唔算太多人，唔使等位就可以入得，餐牌上面都几多食物选择，除咗上海菜之外，普通中菜都有提供，价钱都唔算太贵，最后我哋要左个前菜自选组合，几个点心同一个面再加饮品等左大约10分钟左右，前菜组合就黎到，分别有麻酱腐皮卷、蒜泥白肉、鸡丝水晶粉皮同自家制千层水晶肉，腐皮卷同粉皮食落去每一啖都充满麻酱既味道，令钟意麻酱既老婆感到好满足，而蒜泥白肉就劲多蒜蓉，唔会太辣但味道好足够，至于水晶肉真系做到一层层唔会一夹就断开，能够食到肉既咸香之后有迷你胡椒饼，内外都撒上左唔少黑胡椒，所以胡椒味几重，不过唔会好辣，非尝辣既老婆都食得到，而且一咬落去里面既肉汁即时流晒出嚟，算多料之余外皮又煎得够香呢个系鲜虾韮菜锅贴，真系做到皮薄馅靓，外皮煎到脆卜卜，一咬落去里面就有肉汁流出嚟，点埋酱汁一齐食更加滋味再黎有牛肉汤面，用咗比较幼既面条，几滑溜，而且弹牙，牛肉切得厚身，不过煮到好腍，所以唔难咬开，牛肉味几香浓，又唔会有好多筋，如果面嘅份量多返少少就会更加好老婆要嘅饮品系芒之恋人
今晚放工之后就去左沙田等老婆收工，最后去咗禾𪨶商场揾野食，见到呢间上海菜餐厅好似唔错就入咗去试下
好彩入座既时间都唔算太多人，唔使等位就可以入得，餐牌上面都几多食物选择，除咗上海菜之外，普通中菜都有提供，价钱都唔算太贵，最后我哋要左个前菜自选组合，几个点心同一个面再加饮品
等左大约10分钟左右，前菜组合就黎到，分别有麻酱腐皮卷、蒜泥白肉、鸡丝水晶粉皮同自家制千层水晶肉，腐皮卷同粉皮食落去每一啖都充满麻酱既味道，令钟意麻酱既老婆感到好满足，而蒜泥白肉就劲多蒜蓉，唔会太辣但味道好足够，至于水晶肉真系做到一层层唔会一夹就断开，能够食到肉既咸香
之后有迷你胡椒饼，内外都撒上左唔少黑胡椒，所以胡椒味几重，不过唔会好辣，非尝辣既老婆都食得到，而且一咬落去里面既肉汁即时流晒出嚟，算多料之余外皮又煎得够香
呢个系鲜虾韮菜锅贴，真系做到皮薄馅靓，外皮煎到脆卜卜，一咬落去里面就有肉汁流出嚟，点埋酱汁一齐食更加滋味
再黎有牛肉汤面，用咗比较幼既面条，几滑溜，而且弹牙，牛肉切得厚身，不过煮到好腍，所以唔难咬开，牛肉味几香浓，又唔会有好多筋，如果面嘅份量多返少少就会更加好
老婆要嘅饮品系芒之恋人，杯嘅外型好似一个菠萝咁几特别，饮品上面仲有芒果雪糕同忌廉，饮落去芒果味好重，唔会太甜，仲够晒冰冻添，好清凉
最后甜品方面有雷沙汤丸，每一粒都整到热辣辣，里面既芝麻酱好似流心咁爆晒出嚟，外表完全睇唔出
食左咁多野每人$200都唔洗，性价比几高！！
张贴
