金坊泰國美食

营业中

休息中

约朋友食晏，但公司太多突发事件，太难预料，一定要拣较近嘅餐厅。而食晏时段又被逼延迟，搞搞下就两点... 点知错有错著，嚟到金坊发现原来两点已经有下午茶，𠮶餐仲包野饮同小食，好平 😂我要左鸭肉船河，泰式甜品，冻柠水。味道普通正正常常，称唔上精彩，但干净卫生食得落口。除左鸭肉煮过火整到几「鞋」之外，配料猪红同萝卜都几好食。猪红够滑够大件，唔太咸；萝卜够腍又入味。河粉份量唔多但够食。朋友食正宗游船汤河，都不过系鸭肉变猪润，味道应该差唔多。咁平咁抵，得闲食下无妨。