亞金南洋茶室 (置富都會)

营业中

休息中

呢间店近Poly，啱好1:30落堂之后慢慢嚟到食下午茶餐。品种都几多，有好多款可以拣。最想食嘅牛肉沙嗲即食面加滑蛋肠仔多士冇卖，就拣咗好热气嘅炸鸡髀同西多士。虽然等嘅过程比较耐，一齐去嘅friend已经差唔多食晒先上，但个人感觉都系值得等一等。鸡髀系现炸嘅，出边衬皮脆脆地，入边啲肉都好Juicy。好大只鸡髀，食落饱腹感很强。茶餐由两点做到六点，如果晏昼四点嚟食返一份晚餐都可以唔使再食。西多士同我以往食嘅有啲唔系好类似，夹心嘅馅，除咗花生酱之外，仲有一啲鸡蛋起入边。上面淋咗少少面奶，另加一份牛油比大家自己加。整体嚟讲系比较松软嘅口感，唔会好似有啲茶餐厅咁做到好干。成份下午茶餐一共$39另配一杯热饮，抵食，有兴趣嘅可以嚟试吓。