大盛日本料理 (已結業)

赶完工发现已经到左下午茶时间，就同同事一齐去大盛食番个下午茶。平时午餐时间经过成日见佢排哂队，今日可能比较晏，店面非常冷清。下午茶时间当然点最抵食嘅下午茶餐，我地分别点左天妇罗丼加迷你鱼生饭。天妇罗丼比想像中份量大，有茄子、青椒、南瓜、蕃薯加大虾。味道唔错，材料够新鲜，虽然有少少油腻但炸得香脆亦唔会全部都系脆浆。而且饭好香软，加埋烧汁就咁食都已经唔错。至于迷你鱼生饭真系好迷你，我谂只有天妇罗丼嘅一半份量，而且虽然叫鱼生饭，但事实上只有吞拿鱼碎加少少海胆，食唔太出鱼嘅味道......以呢个价钱黎计，食物味道算可以，想平平地食日本料理可以考虑。