三橋一品日本料理 (已結業)

今日去开沥源邨做嘢 ，竟然系下午时段有得开个小差， 于是乎几个同事周围揾嘢食， 然后畀呢间嘢门口嘅招牌吸引住 ，估唔到沙田都有放题 。不过 ，今日唔系放题，而系食佢嘅下午茶餐， 我叫咗个手握寿司配拉面 ， 等咗一阵， 先黎个拉面 ，望落去几大碗㖞， 同埋都几香， 食落去啲面条同其他地方有少少分别 ，佢冇咁弹牙， 有啲腍， 但系面身滑。 汤底好浓郁， 系面豉汤底 ，上面仲有啲粟米 ，同埋紫菜。寿司有六件，虽然体积有点儿细小， 但系下午茶都差唔多啦， 刺身系新鲜嘅 ，饭就好弹牙。下次要嚟试佢个放题