譽宴 (已結業)

今日放假，约左妈咪两个人去左铜锣湾既誉宴饮下午茶。我地坐左系阁楼，可以望到大堂。而家仲算系新春假期，好多酒楼都仲未有特价下午茶提供。但系誉宴已经有特价下午茶提供，非常抵食。我地叫左大大碗烧鸭米 (HKD 38)，山竹牛肉球 (HKD 13.8)，香茜牛肉肠 (HKD 23.8)，虫草花棉花鸡 (HKD 23.8)，发菜蚝豉猪骨粥 (HKD 28)，誉宴大寿包 (HKD 16)，蛋皇一口酥 (HKD 19.8)。至于茶钱 就每位 HKD 10。烧鸭米佢就俾左半只脾俾我，半肥瘦，正。牛肉球就好大粒，牛肉肠就用料十足，两者味道唔错。棉花鸡味道就还可以。猪骨粥就略为逊色，太淡冇味。寿包系我既至爱，莲蓉涵好多，无得输。一口酥卖相似叉烧酥，但内里其实系咸蛋黄，黎既，卖相唔错，几有创意。