牧羊少年咖啡館 (白楊街)

营业中

休息中

今日落雨湿湿行唔到街，所以约左fd去cafe坐低倾计hea下，顺便避雨。刚好过左两点半去到下午茶时间，叫一款小食饮料半料都算几抵。我地叫左迷你窝夫香蕉朱古力同埋美式小食拼盘。野饮就叫左苹果肉桂茶仲有热拿铁。窝夫热腾腾好好食，衬埋个浓郁嘅朱古力雪糕好夹。可惜朱古力酱麻麻地，有啲过甜，唔用果酱味道反而岩岩好，够晒味。小食拼盘份量好多，我地两个人都食唔晒，炸芝士条太硬唔系咁好食，其他小食都ok。野饮方面果茶系茶包黎嘅，肉桂味好香出到味。拿铁就普通。一开始讲话限时两个钟，不过坐左两个半钟都冇赶走，依点几好。