古早味台灣原味 (已結業)

铜锣湾下午茶有好多又平又正嘅选择，朋友提过话呢间野近地铁，一出地铁站对面就系，加上大件夹抵食，所以今日下午系铜锣湾行完街就来食返个台湾下午茶，个茶餐真系几抵食。几大份，食完饱到连晚餐都唔洗点食，好推荐嘅一间餐厅！一入门口个设计好特别，有条石卵路同黑色嘅柱，有D似日本餐厅嘅感觉，成个环境坐落都好舒服！下午茶精选套餐，一个主食再加小食同野饮都系$50左右，好抵，而且选择好丰富，面、饭都有，连饮品都好多选择！主食-大鸡扒卤肉饭虽然系平价嘅下午茶餐，但呢个细size嘅饭份量都好多，好足料，仲配埋个汤！鸡扒几大块，炸得金黄香脆，炸粉不多，肉质嫩滑，而且鸡扒非常入味！至于D卤肉都肥瘦均匀，伴饭食一d都唔腻！小食-炸花枝丸花枝丸有四粒，每粒都好大粒。咬落去好弹牙爽滑，好食！台湾珍珠奶茶呢度奶茶比较特别，系饮品店咁嘅包装，堂食时候就算赶时间要走都可以拎埋走一路继续饮。奶茶奶味颇重，口感顺滑，珍珠都几弹牙，非常不错！