Kim's Spoon (MegaBox) (已結業)

今日晏昼同朋友一齐去九龙湾工厦试姊妹裙，由于大家都迟左出门口，唯有齐齐饿住个肚去试。试完已经三点几，冇食 lunch 嘅我地决定行去附近嘅 Megabox 揾食。一去到 Megabox，发现有好多人、好多细路。原来商场 L5 搞紧 Peppa Pig 活动。为左避开人潮，我地即刻上左 L6。见 Kim's Spoon 有下午茶餐，餐厅又冇乜人可以坐得舒服 d，即刻噤飞入去。朋友叫左个紫菜卷配粉丝，饮冻柚子茶。紫菜卷味道正常，冇乜特别。粉丝就斋左 d，如果有少少肉一齐炒应该会好味好多。我就叫左个辣炒年糕配鱼糕，饮热生姜茶。年糕一睇个样就知好辣，鱼糕都几大块。虽然系下午茶餐，望落去唔算好大份，但其实好饱。埋单两个人加埋啱啱好 $100。