土司工坊 (青衣城1)

营业中

休息中

朋友话土司工房嘅下午茶几抵食，我今日经过呢间，其实食完午餐冇几耐，唔系好肚饿，但系见到$32个下午茶餐，有嘢食有嘢饮，咁我有啲口渴，谂住买杯嘢饮价钱都差唔得几远，不如就食个下午茶啦😁呢个系餐肉煎蛋公仔面下午茶餐，再配冻蜂蜜柠檬水， 盛惠$32！问收银哥哥可否转其他饮品，佢话热咖啡奶茶都可以，唔使加钱，咁我就转咗佢哋都几出名嘅热奶茶☕️热奶茶冲出嚟嘅时候仲有泡沫，几浓几滑，相当唔错。餐蛋面有两块午餐肉，煎得几靓，不过系预先煎好，所以有少少干，但系浸返落啲公仔面汤道都OK。公仔面就冇乜特别啦，不过不失🤣$32真系几抵食，坐低饮杯奶茶休息一阵，仲有嘢食，喺商场里便，咁嘅价钱算抵食。