Zakka (已結業)

平时冇食lunch 就想揾下边间下午茶最好食，可以填番lunch个肚。日日行经奥海城三期都会见到呢间ZAKKA Cafe 日西餐厅(日式X 西式)。木造设计而打造既open restaurant，相当整洁，职员喺食客食完饭都会抹下枱，卫生程度okay. 今次想试下佢哋啲肉酱焗饭好唔好食。首先嚟既系饮品 Cappuccino相比起其他Coffee Shop既质素就争少少，但同Starbuck 个啲差唔多。个饭大概等多5分钟就到。肉酱味浓郁，芝士味重，温泉蛋恰到好处，都真系几好食，尤其是个人钟意食侧边嘅焦饭，虽然硬身但同时好好咬。酥皮汤反而最迟先来，但系冇影到相，饮嘅时候超级热，要开咗酥皮摊冻先饮得。同Mid-range餐厅嘅酥皮汤冇咩分别，有令到我谂起当年Spaghetti House个种酥皮汤。当日公众假期就相当多人，尤其是系一家大细比较多，入座率大概八至九成，但1-2人未至于要等位。